Karakter boyutu :
Metni küçült
Metni büyüt
We ev surec dawiya xayinan bine
Ev sureca çaresîya aştîyê, dest pê kiriye. Hemî kes bi hêvî li benda wê bûn. Çimkî xwînrijandin di tu dema de qet nayê teswîbkirin
07 Ekim 2013 Pazartesi 09:25
 Bu Haberi Paylaş
Ev sureca çaresîya aştîyê, dest pê kiriye. Hemî kes bi hêvî li benda wê bûn. Çimkî xwînrijandin di tu dema de qet nayê teswîbkirin. Her dem di komela însanan de kî dibe bera bibe tu kes xwînê teswîp nake. Bes di vê pêvajoyê de Dewlet û PKK herdu hêl jî, bi fenn û hîlan dixwazin hevdû biweritînin. Kî dikare çi ji yê din bidize... Heta niha gavên ku dewletê avêtine û li miqabil wê jî yên ku PKKê avêtine, ne gavên şênber in. Dewlet ji bo pirsgirêka Kurd, hew BDP-PKKê dike muxeteb. Bi rastî ev ğeletîyek e. Çimkî ev herdû hêz jî Kurdan tevî temsîl nakin. Heger evana bi tenê temsîlkarê Kurdan bûna, lazim bû di hilbijartina gîştî de BDP serkeftinek girîng bi dest bixista. Bila kesek xwe di ‘eyna mezin de nebîne. Polîtîkayên paşerojê (15-20 sal berê) demode bûne, hûn îro bi van polîtîka nikarin careke din gelê Kurd biweritînin. Kurd ne kurdên berê ne. Kî dost e kî heval e û kî jî dijmin û neyar e fêhm kirine, fêm dikin.

Heger pêvajoya çareserîyê dest pê nekira, bê guman pêvajoya çareserbunê (çözülme), wê li hêvîya van hêzan ba. Belkî bûyerên rojavayê Surîyê yên dawî û pêvajoya çareserîyê ya vê paşî dest pê kir, dîsa umrê PKK-BDPê dirêj kir.

Rayedarên Dewletê ji bo çareserîya pirsgirêka kurd, hew PKK û BDPê mixeteb qebûl dike. Rayedar di karê xwe de ğelet in. Ez bawer dikim ku wan jî şemitandina xwe hîn kirine.

Û ji hêla din ve ev hêzên ku temsîlkarê Kurdan hatin dîtin û muxeteb hatin qebulkirin şaqiz bûn. Jixwe heger hûn rojevê dişopînin, hûn ê jî fêm bikin ku di van rojên paşî de gefên ku ev hêz dixun, bi sedema şaqizbûna wan e. Êrîşên wan yên li saziyên civakî, dîsa bi sedema ku dewletê ew şaqiz kirine. Êdî peyvê qelew dikin, dixwazin gavên ji xwe mestir biavêjin, lê belê naghêjin armanca xwe.

Gelek balkêş e ku PKKê bi dewletê re agirbestî danîye û ji hêlekê ve jî êrîşî sazîyên Kurdan yên civakî dike. Hêzek, civakek sazî ku xwe xwedyê gelê kurd dibîne, gelo bi çi ‘eqlî êrîşî Kurdan dike? Bi rastî heger meriv ew salên paşerojê yên dema ku van hêzan, sebîyên Kurdan yên di pêçeka de dikuştin, gundên wan dişewitandin û komkujîyên mezin dikirin bîne hişê xwe, meriv dikare bersiva niha jî bide. Pêşîyên me ji berê de gotine “Kesên ku sermîyanê wan cemed be, tirsa wan ji tavê ye. Çimkî dema tav der tê, cemed lehze bi lehze dihele.”

Sebebê ku PKKê li herêmê heta îro hebûna xwe dom kiriye xwîn e, çav tirsandina xelkê ye, hêsirên ça’vê mezluman in, ça’v şikandina Însana ye… Çimkî xwîn û tevlihevî tune be, nikare hebûna xwe bidomîne. Ne ji tirsê be, kesek li defa wan naxe.

Û gele Kurdê Misluman şiyar bûye, nema dixape. Lewra sazîyên Îslamî yên himêza xwe ji bêkes û mezluman re vedikin derketine.

Ji bo çareserîya pirsgirêka Kurd, sazîyên Îslamî muxateb nehatin dîtin. Dewleta laîk û Kemalîst jî nexwest ku Kurdên Misluman muxateb bigre. Bes bera negrin, lewra gelê Kurdê Musluman li cem berxwedana Îslamê sefê xwe girêdane. Gelê Kurdê Musluman di çalakîyan de, bi milyonan li kêleka sazîyên civakî yên Îslamî sekinîn û bi vê sekna xwe ev mesaj dane hemî kesan: “PKK û BDP ne temsîlkarê me ne, temsîlkarê me hamîyên musted’efa ne.”

A PKK û BDP çi dema dîtin ku ew rûmeta ku bi çek û sîlehan bi dest xistine ji destê wan çû, li pêşberê reqîbê xwe dest bi êrîşan kirine. Hûn dibînin ku di vê dema paşî de êrîşî sazîyên civakî yên Îslamî dikin.

Bi rastî ev êrîş, ji hêlekê ve ji roja PKK ava bûye heta Îro polîtîka wê ye û li miqabil civak û sazîyên Îslamî didomîne. Çimkî ev hêz ji bil xwe tu hêz û qawetê qebûl nake. Weke faşîzma Mûsolînî ye ku digot: “Çi tiştê em dikin tev rast in, em qet xwarî nakin, ji ber vêya pêdivî bi muxelefetê tuneye” Ev berpêbûyîneke (yaklaşım) faşîzan e. Ev bawerî li tu derê dinyê rûmet nedît, winda bû. Lê belê PKK û BDP ji nû ve dixwazin vê fikra şaş bi can bikin.

PKK naxwaze Kurdên Misluman bibin temsîlkarê gelê Kurd. Yên PKKê xwedî, kedî û mezin kirin jî, vî tiştî naxwazin. Çimkî ew baş dizanin ku di rûhê gelê Kurd de havêna Selaheddînan, Seîdan heye. Xaçperestên mijok, îro bi destê wan heyfa van egît û merdan ji me digrin.

Belê, PKK dixwaze Mislumanan bikşîne nava şiddet û lihevxistinê. Çimkî şiddet û lihevxistin tune be, sazîyên Îslamî roj bi roj bi pêş da diçin, mezin dibin û ew jî biçuk dibe, dimelise, dihele û rojekê wê biqede. Dixwaze bi vê teqtîka xwe ya qirrêj, dîsa li herêmê tevlihevîyekê derxe.

Heta niha van sazîyên civakî, ev êrîşên dijwar bi sebrê pêşvaz kirine. Sebir ta’l e, lê belê fêkîyên wê pir şêrîn in. Carnan rûmet e sebr û carnan jî zillet e. Heger ev çeteyê xwînwar di vê pêvajoya aştîyê de van şaşîtî û qirêjtîya xwe bidomîne, di herêmê de wê winda bike. Wê pêvajo li dijê wan bizîvire.

Ger ji bo mihraqên şer yên Kurewî, Kurd rabin xwe bi xwe hevdû bikujin, li hev xin, qîymet ji wan re namîne. Derdê mijokan ew e ku li Turkîyê bêbiryarîyê derînin û pêşiya hişyarîya Îslamî bigrin. Li bila bê zanîn ku di vê hengâme de wê civakên aqilmend, ‘adil û edaletxwaz, sebirkêşên heqperest qezenc bikin.

Roj roja nesla sacîd e, ji destê we re qewwet...

Bangaheq
 


 
  UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış, Türkçe karakter kullanılmayan ve tamamı büyük harflerle yazılmış yorumlar onaylanmamaktadır. Ayrıca suç teşkil edecek hakaret içerikli yorumlar hakkında muhatapları tarafından dava açılabilmektedir.
Toplam (0) adet yorum eklenmiştir.
EDİTÖRÜN SEÇTİKLERİ
ALINTI YAZARLAR
Diğer Yazarlar

SON YORUMLAR
@Ziyaretci
70 yılda kemalistlerin başaramdığını islamcı akp iktidarında başardı.
10 Kasım 2017 Cuma 11:39
@Ziyaretci
tamam talebiniz kabul gürüldü kürtlükten çıkarıldınız
03 Ekim 2017 Salı 10:32
@kurd
ALLAHINA KURBAN. ADAMSIN ADAM
25 Eylül 2017 Pazartesi 14:32
@serwxebun
kürtleri aç bırakmakla tehdit edenler bilsinler ki herşeyimizi barzaniye feda ederiz yeter ki kürdistan kurlsun bedel ne ise öder ve ödetiriz hüdaparı kürt kardeşlerinin yannda olduğu için de tebrik ederiz
23 Eylül 2017 Cumartesi 13:01
@Şex Said Seriyyelerİ
RAHMAN VE RAHİM OLAN ALLAHIN ADIYLA BİZİ KARANLIGIN ASKERLERİNE KARŞI AYDINLIGIN ASKERİ YAPAN ALLAHA HAMD OLSUN GEREKİRSE ALLAH İÇİN MAPUKTAN DAHA YUMUŞAK GEREKİRSE ALLAH İÇİN TAŞTAN DAHA SERT OLURUZ... Şex Said Seriyyeleri.
06 Eylül 2017 Çarşamba 21:47
@kürdi
artık kürtlerin hayal kurduğu dönemler bitmiştir belki bağımsızlık için bedel ödeyecekler ama şuda kesin ödeteceklerde bunun karşısında kimse duramaz
20 Ağustos 2017 Pazar 17:05
@rojj
bağımsız kürdistan kürtlerin ana süütü gibi helaldir lazımdır artık süürgecilerde bunu anlamalı bunun önü kesilemez
20 Ağustos 2017 Pazar 17:02
@Ziyaretci
SÖZ KONUSU KÜRTLERİN BAĞIMSIZLIĞI OLUNCA "BÖLÜNMEYİ" GÜNDEME GETİRİRLER
13 Ağustos 2017 Pazar 12:32
@Ziyaretci
GORAN ABD YEMİ HİZMET EDYOR? NE BU YA
13 Ağustos 2017 Pazar 12:30
@Ziyaretci
ne zaman kürtler bağımsızlık dese birileri çıkıp " ikinci israil devleti kuruluyor" yazıklar olsun
13 Ağustos 2017 Pazar 12:28